ભારતની કઈ બેંકે ગ્રીન રૂપી ટર્મ ડિપોઝિટ શરૂ કરી છે? ✔ સ્ટેટ બેંક ઓફ ઇન્ડિયા (એસબીઆઇ) 🔹 તાજેતરમાં જ સ્ટેટ બેંક ઓફ ઇન્ડિયા (એસબીઆઇ)એ એસબીઆઇ ગ્રીન રૂપી ટર્મ ડિપોઝિટ (એસજીઆરટીડી) લોન્ચ કરી હતી. એસજીઆરટીડી એક ડિપોઝિટ સ્કીમ છે, જેનો ઉદ્દેશ પર્યાવરણને અનુકૂળ પહેલો અને પ્રોજેક્ટ્સ માટે ભંડોળ ઊભું કરવાનો છે. આ યોજના એનઆરઆઈ, બિન-વ્યક્તિગત અને નિવાસી વ્યક્તિઓ માટે ખુલ્લી છે. એસજીઆરટીડીમાં 1,111 દિવસ, 1,777 દિવસ અને 2,222 દિવસનો સમયગાળો હોય છે. એસજીઆરટીડી ફ્લેક્સિબલ ટેનોર્સ ઓફર કરે છે.
કુંભમેળા પછી ભારતનો બીજો સૌથી મોટો મેળો ગંગા સાગર મેળો ભારતના કયા રાજ્યમાં ઉજવવામાં આવે છે? ✔ પશ્ચિમ બંગાળ 🔹 દર વર્ષે ૧૪ કે ૧૫ જાન્યુઆરીએ ગંગાસાગરનો મેળો ઉજવવામાં આવે છે. આ મેળો મકરસંક્રાંતિના દિવસે યોજાય છે. વર્ષ 2023માં આ મેળામાં લગભગ 51 લાખ શ્રદ્ધાળુઓએ ભાગ લીધો હતો. આ મેળો પશ્ચિમ બંગાળના દક્ષિણ પરગના જિલ્લામાં ભરાય છે. બંગાળના તટથી થોડે દૂર સ્થિત સાગરદવીપમાં આ મેળો ઉજવવામાં આવે છે. સાગરદવીપ એ સ્થાન છે જ્યાં ગંગા નદી બંગાળની ખાડીને મળે છે. ગંગાસાગર મેળામાં ગંગા કિનારે નદીમાં ડુબકી લગાવવામાં આવે છે અને પછી કપિલ મુનિના મંદિરમાં પૂજા અર્ચના કરવામાં આવે છે. ગંગાસાગર મેળો કુંભ મેળા પછીનો બીજો સૌથી મોટો હિંદુ મેળો છે. અહીં સ્નાન કરવાથી મોક્ષની પ્રાપ્તિ થાય છે અને પૂર્વજોના આશીર્વાદ પણ મળે છે.
તાજેતરમાં જ ભારતના કયા શહેરમાં આંતરરાષ્ટ્રીય ઊંટ મહોત્સવની શરૂઆત થઈ હતી? ✔ બિકાનેર, રાજસ્થાન 🔹 રાજસ્થાનના બિકાનેર જિલ્લામાં યોજાયેલા આંતરરાષ્ટ્રીય ઊંટ મહોત્સવની શરૂઆત રામપુરિયા હવેલીથી વાઇબ્રન્ટ હેરિટેજ વોકથી થઇ હતી, જેમાં સુશોભિત ઊંટ, પરંપરાગત પોશાકો અને સ્થાનિક લોક કલાકારોને દર્શાવવામાં આવ્યા હતા. પ્રવાસીઓ અને સ્થાનિકોએ લોકગીતો, રામમતની ધૂન અને નૃત્યોની મજા માણી હતી, જેના કારણે શહેરના ઉદ્યાનમાં ઉત્સવનું વાતાવરણ ઊભું થયું હતું. આ કાર્યક્રમમાં રહેવાસીઓ દ્વારા ફૂલો અને રંગોળી શણગાર સાથે ઉષ્માભર્યું સ્વાગત કરવામાં આવ્યું હતું. આ ઉપરાંત પર્યટન વિભાગે બિકાજી કી ટેકરી ખાતે રંગોળી, મહેંદી અને ડ્રોઇંગ કોમ્પિટિશનનું આયોજન કર્યું હતું, જેમાં વિજેતાઓને સ્મૃતિચિહ્નો એનાયત કરવામાં આવ્યા હતા.
પ્રખ્યાત શાસ્ત્રીય ગાયિકા પ્રભા અત્રે, જેમનું તાજેતરમાં જ નિધન થયું છે, તેઓ કયા ઘરાનાના હતા? ✔ ‘પટિયાલા ઘરાના’ 🔹 પ્રખ્યાત શાસ્ત્રીય ગાયિકા અને પદ્મ વિભૂષણ એવોર્ડથી સન્માનિત પ્રભા અત્રેનું ૯૨ વર્ષની વયે નિધન થયું હતું. પ્રભા અત્રે હિન્દુસ્તાની શાસ્ત્રીય સંગીતના ‘કિરાણા ઘરાના’ સાથે સંકળાયેલા હતા. વર્ષ 1991માં તેમને સંગીત નાટક અકાદમી પુરસ્કારથી સન્માનિત કરવામાં આવ્યા હતા અને તેમને પદ્મશ્રી, પદ્મ ભૂષણ, ‘રાષ્ટ્રીય કાલિદાસ પુરસ્કાર’ અને ‘ટાગોર એકેડમી રત્ન પુરસ્કાર’ થી પણ નવાજવામાં આવ્યા હતા.
વન-ડે ઈન્ટરનેશનલ મેચમાં સૌથી ઝડપી 7 વિકેટ ઝડપનારો બોલર કોણ બન્યો છે? ✔ વાનીન્દુ હસારંગા 🔹 શ્રીલંકાના લેગ સ્પિનર વાનિન્દુ હસારંગાએ કારકિર્દીનું શ્રેષ્ઠ પર્ફોમન્સ આપતાં ઝિમ્બાબ્વે સામે કોલંબોમાં રમાયેલી નિર્ણાયક વન ડેમાં 19 રનમાં 7 વિકેટ ઝડપી હતી. આ સાથે તે વન ડે ઈન્ટરનેશનલમાં સૌથી ઝડપી 7 વિકેટ (એક મેચમાં) લેનાર બોલર બની ગયો છે. હસારંગાએ માત્ર ૩૫ બોલમાં ૭ વિકેટ લીધી હતી.
રાજસ્થાનના કયા શહેરમાં ‘ઇન્ટરનેશનલ કેમલ ફેસ્ટિવલ’નું આયોજન કરવામાં આવ્યું હતું? ✔ બીકાનેર 🔹 રાજસ્થાનના બિકાનેર જિલ્લામાં ‘આંતરરાષ્ટ્રીય કેમલ ફેસ્ટિવલ’નું આયોજન કરવામાં આવ્યું હતું. તેની શરૂઆત હેરિટેજ વોકથી થઇ હતી, જે રામપુરિયા હવેલીથી શરૂ થઇને શહેરના મુખ્ય માર્ગો પરથી પસાર થઇને રાવ બિકાજી કી ટેકરી ખાતે પુરી થઇ હતી. રાજસ્થાનમાં રણ મહોત્સવ (જેસલમેર), નાગૌર મેળો (નાગૌર) અને પુષ્કર મેળો (પુષ્કર) જેવા મેળાઓનું પણ આયોજન કરવામાં આવે છે.
ટી-20 ઈન્ટરનેશનલમાં 150 મેચ રમનારો પહેલો પુરુષ ક્રિકેટર કોણ બન્યો છે? ✔ રોહિત શર્મા 🔹 ભારતીય કેપ્ટન રોહિત શર્માએ ટી-20 ઈન્ટરનેશનલમાં વધુ એક સિદ્ધિ હાંસલ કરી છે અને તે 150 ટી-20 ઈન્ટરનેશનલ મેચો રમનારો સૌપ્રથમ પુરુષ ક્રિકેટર બની ગયો છે. રોહિતે હોલ્કર ક્રિકેટ સ્ટેડિયમમાં અફઘાનિસ્તાન સામે આ સિદ્ધિ હાંસલ કરી હતી. રોહિત ટી-20માં સૌથી વધુ રન બનાવનાર બેટ્સમેનોમાં સામેલ છે. તેણે 150 મેચમાં 3853 રન બનાવ્યા છે.
દર વર્ષે ભારતીય સેના દિવસ ક્યારે ઉજવવામાં આવે છે? ✔ ૧૫ જાન્યુઆરી 🔹 દર વર્ષે 15 જાન્યુઆરીના રોજ સમગ્ર દેશમાં ભારતીય સેના દિવસ મનાવવામાં આવે છે. આ દિવસની સ્થાપના 1949માં ભારતીય સેનાના પ્રથમ ભારતીય વડા જનરલ કે.એમ. તે કરિયપ્પાની નિમણૂકની વર્ષગાંઠ નિમિત્તે ઉજવવામાં આવે છે. વર્ષ 2024માં ભારતીય સેના દિવસનો વિષય “ઇન સર્વિસ ઓફ ધ નેશન” રાખવામાં આવ્યો છે. હાલમાં ભારતીય સેનાના ચીફ જનરલ મનોજ પાંડે છે.
તાજેતરમાં જ સુરક્ષિત આર્મી મોબાઇલ ઇકોસિસ્ટમ ‘સમભાવ’ કોણે લોન્ચ કરી છે? ✔ ભારતીય સેના
એશિયન શૂટિંગ ચેમ્પિયનશિપ 2024 માં પુરુષોની 25 મીટર સ્ટાન્ડર્ડ પિસ્તોલ ઇવેન્ટમાં ગોલ્ડ મેડલ કોણે જીત્યો? ✔ યોગેશ સિંહ 🔹 ભારતીય શૂટર યોગેશ સિંઘે ઈન્ડોનેશિયાના જકાર્તામાં યોજાયેલી એશિયન શૂટિંગ ચેમ્પિયનશીપ-2024માં પુરુષોની 25 મીટર સ્ટાન્ડર્ડ પિસ્તોલ ઈવેન્ટમાં ગોલ્ડ મેડલ જીત્યોનથી. મોંગોલિયન શૂટરે આ જ સ્કોર સાથે સિલ્વર મેડલ જીત્યો. જ્યારે કઝાખસ્તાનની નિકિતા ચિર્યુકિને 568 પોઈન્ટ્સ સાથે બ્રોન્ઝ મેડલ જીત્યો.
